அவனது 16வது பிறந்த நாளன்று, மார்க்கின் சகோதரன், டோமஸ் அவனை குடும்பத்தின் பரம ரகசியத்துக்கு அறிமுகம் செய்வித்து அவனிடம் ஒரு விசித்திர ஜந்துவான த கிரிஃபனால் ஆளப்படும் வித்தியாசமான உலகைப் பற்றிக் கூறும் க்ரானக்கல் ஆஃப் த பிளாக் டவர் என்ற புத்தகத்தை ஒப்படைக்கிறான். ஆனால் அந்த க்ரானக்கல் அவர்களுடைய தந்தையின் சாவுக்கு எவ்வாறு தொடர்புடையது?

மீமோவின் உதவியுடன், பிளாக் டவர் உலகிற்குள் மறைந்துவிடும் தன் சகோதரன் டோமஸைக் கண்டுபிடிக்கத் தயக்கத்துடன் புறப்படுகிறான். அதே சமயத்தில், பெக்கி மார்க்கின் கடந்த காலத்தை ஆராய்ச்சி செய்து ஒரு பயங்கர ரகசியத்தைக் கண்டுபிடிக்கிறாள்.

தன் தாயின் விருப்பத்துக்கு எதிராக, மீமோவை காப்பாற்றுவதற்காக பிளாக் டவர் உலகத்துக்குத் திரும்பிப் போக மார்க் ஒரு வழி கண்டுபிடிக்க முயல்கிறான். அதே சமயத்தில், பெக்கி க்ரானக்கலின் உள்ளடக்கங்கள் உண்மையில் உள்ளனவா அல்லது மார்க் மாயப் பிரமைக் காட்சிகளால் துன்புறுகிறானா என்று கண்டு பிடிக்க முயல்கிறாள்.

மார்க்கும் மீமோவும் டோமஸை விடுவிக்க ஒரு திட்டம் போடுகின்றனர். பெக்கி எதையும் சந்தேகிக்கவில்லை. மார்க் எதையோ கற்பனை செய்து கொள்கிறான் என்று அவள் உறுதி கொள்கிறாள். அவனுடைய தாயும் அவ்வாறே கருதிக் கொண்டு அவனை ஒரு மனநல விடுதியில் சேர்க்க வேண்டும் என்று நினைக்கிறாள். மார்க் தப்புவானா?

கொம்புக்காரர்களின் வருகைக்காக மார்க்கும் மீமோவும் காத்திருக்கையில், மார்க் மனப்பிரமைகளால் துன்புறவில்லை என்று மார்க்கின் தாயை நம்ப வைக்க பெக்கி முயல்கிறாள். ஆனால் விதி ஒரு கொடிய வடிவத்தை எடுக்கிறது...

தன் கணவரின் மரணம் குறித்து ப்ரேக்கரிடமிருந்து மார்க்கின் தாய் ஒரு அதிர்ச்சியான தகவல் பெறுகிறாள். மார்க்கும் மீமோவும் டவர் உலகத்தின் மிகக் கொடுமையான பயங்கரத்தைச் சந்திக்கிறார்கள்.